MOO MOO Plus (百德新街) (Closed)

復活節去銅鑼灣食好西，揀左呢間位於百德新街嘅酒吧餐廳，見到餐牌幾吸引，burger、主食、沙律、意粉樣樣有齊～🔸加拿大藍青口配白酒忌廉汁份量都好足幾大碟，青口都叫大隻食落有口感，醬汁味道濃郁忌廉味好香，仲有兩塊蒜蓉包可以點汁嚟食，而職員好細心會提供埋碟比我地放殼，抵讚🔸招牌雙重芝士牛肉漢堡配薯條漢堡份量唔錯，漢堡入面有塊好厚既牛肉、生菜、洋蔥、芝士同車厘茄。牛肉煎得好香，而且應該係餐廳手打既，有肉有筋位，有肉汁，連埋車打芝士食好邪惡。仲配有粗薯條，食落口感又會豐富啲🔸美國招牌封門柳封門柳... 即係牛橫膈膜嘅肌肉，牛味會比較重，餐廳火候控制得好，燒到5成熟，牛肉保持鮮嫩粉紅色，肉質嫩口！醬汁亦好特別，有兩款，分別係蒜蓉醬同紅酒汁，非常惹味！面頭仲有炸金菇，口感脆卜卜，伴碟仲有雜菜甜椒！🔸香蕉船有3種味既雪糕，分別係士多啤梨、芒果同雲尼拿，配上朱古力醬，另外仲有一碟爆炸糖俾你點雪糕食～