京都勝牛 (AIRSIDE)

Open Now

Now Closed

之前見到呢一間舖頭執咗分店已經勁開心，因為佢真係好親民又好食，重點係白飯麵豉湯任添！！！然後發現佢喺啟德開咗新嘅分店，今日收工即刻去懷念一下✨四品牛魔御膳一次品嚐到四個牛嘅部位（腓力、翼板、西冷、醬味薄牛）絕對係味覺嘅享受～保持咗日本過江龍嘅精神，外皮真係金黃酥脆，中間肉質亦都唔需要烹調得太過熟透～當然四款肉類都係各具特色，西冷會比較有嚼口、翼板相對之下會比較肥香、薄牛肉已經預先醃製左味道，食落帶少少甜香；加上6款醬汁同雞蛋～✨勝牛壽喜鍋膳湯頭甜甜嘅鍋底，既有足料嘅牛肉，又有令人自我感覺良好嘅蔬菜(˶‾᷄ ⁻̫ ‾᷅˵)跟配白飯真係好好送！重點係麵豉湯、白飯同埋京椰菜都係任添。✨飲品椰子抹茶紅豆冰、甜蜜乳酸～紅豆冰成個視覺效果非常震撼，仲有滿滿嘅忌廉，牛奶同椰奶嘅混合令到成杯口感更加滑香同埋有甜味，綿綿嘅紅豆蓉好清甜；乳酸加入咗新鮮奇異果同巨峰提子，感覺都幾清新！✨甜品沖繩黑糖雞蛋布丁🍮比係一般嘅雞蛋布丁嚟得實淨，用咗日本雞蛋所以蛋香味亦都特別出眾～加上沖繩嘅黑糖漿，帶甜絲絲嘅餘韻；草莓小豆雪糕三文治真係非常非常吸引，冰火口感，再加上草莓🍓雪糕嘅酸酸甜甜，絕對冇令人好飽好滯膩。