首先呢度不論餸及湯底都唔少選擇，仲要價錢均真，大部分選項都唔需要特別加錢
4
我地分別叫了：
秘製辣醬+通菜底 配牛筋、牛腩、蘿蔔、溏心蛋、韭菜餃，
濃香沙嗲伴麵 配滷水蛋、生菜、台灣黑椒腸、腐皮魚卷、韭菜餃，
再加了小食秘製辣魷魚同炸魚皮！
我呢碗湯麵特別欣賞佢嘅牛筋牛腩，大大件又入味，唔會係得啲碎粒粒
朋友就特別欣賞佢嘅沙嗲醬，香濃惹味，配伴麵一流
呢碟魷魚唔算太辣，魷魚亦都爽口
炸魚皮就炸得脆卜卜，我就鍾意浸入湯麵浸冧佢食
整體性價比不錯，尤其係中環地段，而且環境乾淨，用手機落單方便，係簡單快食之選！
