少爺18 (Closed)

公司搬到葵芳, 又係逐間餐廳試試的時候! 今次試星馬泰餐! 以商場舖來說, 價錢唔貴, 算幾抵! 泰式豬手、滷水蛋、酸菜配白飯 $72 包熱飲 ~ 個賣相好靚啊, 特別係個蛋, 好難得係用糖心蛋, 而全碟飯最好食只係個蛋! 個飯硬到根本完全食唔到, 用咩米可以煮到咁硬呢? 豬手又係硬到不得了, 完全唔淋,  咬落去好似煲湯瘦肉咁硬! 呢碟飯名符其實 “金玉其外，敗絮其中”! 印尼炒飯配沙嗲串燒 $72 包熱飲 ~ 同樣, 個飯堅硬, 不過因為用醬油炒, 所以較白飯好! 串燒不俗!