麺屋·隠 (Closed)

喺元朗心私私想食拉麵，咁多間點揀好?梗係揀間黃架啦。Search完搵到呢間，2點幾去到都搵幾full，啱啱好有2個位。🔴赤隱 $82即係辣肉豬骨湯，同普通比就多左一大舊辣醬，搞完試一試個湯頭，都好辣下，建議唔太食得辣都唔好叫或者唔好搞咁散，不過就辣得幾香。麵係幼麵，叫左硬麵都真係幾有咬口，讚。叉燒似係普通來貨料，面頭亦無燒過，食落又真係無乜味，不過厚薄適中配湯食都還可。🟠限定隱 $95店員話我知今朝係鰹魚豬骨，即係叫嚟試，事關香港哋有好食鰹魚湯底嘅唔多。嚟到同其他比多左隻味玉，所以先貴左少少。湯底都重味，不過唔死咸，但鰹魚味可以再出啲，建議面頭灑少少鰹魚片補救下。味玉有水準，有味亦做到半熟。💁🏻‍♀️鍾意限定隱多啲，赤隱真係好辣遮晒湯頭味。