神經餵飼 (Closed)

其實我唔識白紙工作室係乜東東，只係去開太子要搵嘢食，食到呢間嘢好偽文青所以入左去。入到去乜都係自助，水同餐具都係自己去拎，係收銀位叫嘢食畀埋錢先坐低慢慢等。11點至3點嘅 lunch set 選擇唔多，我要左個蕃茄咖喱雞肉飯 + 熱檸茶。碟飯上枱嘅時候好香，1/3 係飯，1/3 係沙律，1/3係咖哩汁。首先個飯上面有少量木魚/紫菜碎，個沙律有秋葵+沙律菜+芝麻醬+似係齋舖賣甜齋老味切左條嘅物體，個疑似齋老味太甜夾埋啲沙律食感覺有啲怪。個蕃茄咖哩汁第一、二啖食係唔辣嘅，食多幾啖就會feel到有好輕微嘅辣味，裡面啲雞肉唔算嫩滑，但都可以接受。杯檸茶又冇乜好講嘅，正正常常咁囉。