火五越式牛肉粉專門店 (其昌樓)

Open Now

Now Closed

中午時分嘅白加士街，每間餐廳都有一大條人龍，呢一間都唔例外～突然間想食生牛河，所以就衝左入去首先當然要試吓佢哋嘅火車頭牛肉粉，今次轉左檬粉，有咬口啲，果然冇令我失望，呢碗牛肉粉入面有和牛丸，牛腩同埋牛肉，仲有札肉牛丸最有驚喜，咬落去爽口，超級有牛味，仲有好多汁另外叫咗幾個小食試吓，分別係黑醋汁蒜蓉牛油雞翼，呢個雞翼都冇令我失望，有肉汁，軟林林，蒜蓉好香，黑醋汁亦都可以平衡油膩感然後叫咗個特色鳳爪，酸酸甜甜又夠辣，價錢親民，值得叫來過口癮最後要推介嘅係黃金炸蝦球！呢個真係一定要叫，做到鹹蛋黃流沙感覺，炸得超級香脆，入面嘅蝦球都大隻，同行友人都大讚呢一個蝦球，而家一路打都一路回味緊