Video
Read full review
2011-09-24
311 views
呢日去開天后辦事, 見呢間發記未嚟過, 於是就入去試試.發記地方唔大, 分隔成兩間廳, 比較逼狹, 但環境都幾乾淨. 仲有度得意係連上海菜都有得食.既然如此, 就先叫個燻魚嚟試下. 味道都OK的, 夠濃夠鹹夠甜. 我鍾意個汁, 可惜魚肉太乾身, 如果裏面juicy d 就perfect.之後就回歸潮州懷抱喇. 我地叫咗:滷水鵝肉: 呢度既鵝肉軟腍唔韌, 夠入味, 滷水味頗濃, 但又未至於喧賓奪主. 墊底既豆腐索晒滷水汁更加係超正. 油鹽水煮蜆: 唔記得係咪叫呢個名呢? D蜆幾大隻下, 好肥美, 夠新鮮又無沙. 個湯甜到不得了, 底下d粉絲吸收晒d湯, 連我唔多食粉絲既都一箸一箸咁挾.炸蠔餅: 炸得熱辣辣外脆內軟, 一咬落去充滿引死人既蛋香. 同行既男士們讚口不絕, 我就嫌美中不足既係蠔仔少咗d, 而且似乎唔太新鮮, 無乜蠔仔應有既鮮甜. 唔知係咪炸時未撈勻, 我食果件成件只得兩粒蠔仔.椒鹽沙鯭魚: 老闆推介既. 外面炸得夠脆, 香噴噴咁. 雖然發記既食物味道偏濃, 但呢個又唔算太鹹. 沙鯭肉細嫩幼滑, 好似黃花魚既質感, 不過就無黃花魚咁鮮味.椒絲腐乳通菜: 如果平時所謂既有鑊氣值十分
發記地方唔大, 分隔成兩間廳, 比較逼狹, 但環境都幾乾淨. 仲有度得意係連上海菜都有得食.
既然如此, 就先叫個燻魚嚟試下. 味道都OK的, 夠濃夠鹹夠甜. 我鍾意個汁, 可惜魚肉太乾身, 如果裏面juicy d 就perfect.之後就回歸潮州懷抱喇. 我地叫咗:
滷水鵝肉: 呢度既鵝肉軟腍唔韌, 夠入味, 滷水味頗濃, 但又未至於喧賓奪主. 墊底既豆腐索晒滷水汁更加係超正. 油鹽水煮蜆: 唔記得係咪叫呢個名呢? D蜆幾大隻下, 好肥美, 夠新鮮又無沙. 個湯甜到不得了, 底下d粉絲吸收晒d湯, 連我唔多食粉絲既都一箸一箸咁挾.
炸蠔餅: 炸得熱辣辣外脆內軟, 一咬落去充滿引死人既蛋香. 同行既男士們讚口不絕, 我就嫌美中不足既係蠔仔少咗d, 而且似乎唔太新鮮, 無乜蠔仔應有既鮮甜. 唔知係咪炸時未撈勻, 我食果件成件只得兩粒蠔仔.椒鹽沙鯭魚: 老闆推介既. 外面炸得夠脆, 香噴噴咁. 雖然發記既食物味道偏濃, 但呢個又唔算太鹹. 沙鯭肉細嫩幼滑, 好似黃花魚既質感, 不過就無黃花魚咁鮮味.
椒絲腐乳通菜: 如果平時所謂既有鑊氣值十分, 咁呢個就肯定值十一分. 一擺上檯聞到陣超強鑊氣就知必定好食. D通菜亦都好爽嫩兼無渣.
以上係第一餐. 過咗幾日, 一班人又嚟咗天后. 本來想去留家廚房, 但覺得d菜式唔多o岩口味, 而且大家都對上次發記果餐好滿意, 於是以大比數一致裁定, 翻兜發記!
除咗男士們一定要食既蠔餅同所有人一定要食既滷水鵝&通菜, 今次我地仲要咗:
滷水大腸拼鵝腎: 鵝腎要睇彩數, 食到有d幾嫩口, 有d就有渣. 大腸最唔掂, 清潔得唔乾淨, 一陣異味. 我試咗一塊, 吐都吐唔切, 最後d大腸剩番晒係度.
田螺: 上次唔記得點田螺, 令我一直耿耿於懷, 因為田螺係我最愛之一. 今次呢個做得好好, 鮮香入味, 田螺肉飽滿無沙. 個汁對我嚟講都算幾辣, 食幾粒就要停一停, 但過一陣就心思思又想再食. 同埋唔好睇佢碗仔細細, 畢極都有ga. 凍蟹: 叫咗咁多食物, 凍蟹就要隻細既OK喇. 咪睇佢件頭唔大, 肉地相當唔錯, 實淨飽滿. 咬下去蟹肉鮮甜, 散發淡淡既海水味, 絕對令我呢個蟹癡食得超滿足. 唯一就係拎上嚟時我地已經食咗好幾款濃味菜式, 之後至食凍蟹難免會覺得略為清淡. 如果第一味先上凍蟹就比較適合.
味菜鵝腸: 呢味又係勁夠鑊氣, 送飯最好. 可惜鵝腸d肥脂俾人清除晒. 唉, 鵝腸要肥先夠豐腴甘美ga ma. 鵝腸爽脆, 味菜鹹酸度適中--我食過酸到盲公開眼既味菜. 明明我order時無人有興趣, 點知上檯後搶下搶下俾其他人食晒, 唯有拿拿林追加一碟, 豈有此理! 追加既要咗豉椒炒, 豉椒爆得極香, 同味菜版既一樣咁正.
So far兩次嚟發記, 大致上都相當滿意. 除咗個豬大腸同埋蠔餅d蠔仔有d失手之外, 其他食物既水準全都有番咁上下. 可以話係香港打冷店中既上乘之選. 上海菜方面只係試咗碟燻魚, 是否正宗就不便妄下判斷喇.
Post
