三門仔漁夫火鍋點心專門店 (Closed)

尋找屋邨美食 隱世精美小炒 值得專門前去一嘗穫氣菜式【三門仔漁夫火鍋點心專門店】‼️‼️‼️發現隱世美食，位於石籬大隴街，餐廳都幾有懷舊feel，特別係牆上面嘅一幅三門仔漁港油畫，仲擺咗好多懷舊嘅私人珍藏。係呢到，你可以選擇打邊爐或者食小菜，選擇都幾多，即叫即製！招牌胡椒豬肚魚大熱推薦菜！食法建議先食豬肚同埋魚肉，然後將魚骨再慢慢滾，咁樣個湯就會好清甜😆魚肉新鮮，真係大大條魚咁上，肉質都嫩滑。豬肚無異味，夠林，仲有香香嘅胡椒味！仲有豬腸係入面湯底用魚肉魚骨滾過後，真係正好多，可以叫碗飯變成湯飯食～椒鹽豆腐炸到變咗金黃色嘅豆腐賣相拎咗吾少分！椒鹽味濃，外脆內軟，表皮係香口同脆卜卜嘅，入面嘅豆腐保持好滑，無因為炸過而變乾，送飯好開胃，份量勁多，2個人食都會有啲多👍🏻抵！蒜香牛柳粒要讚下真係好夠穫氣，所以好香口好吸引，牛柳粒充滿住好香嘅蒜味，吾會太油膩，牛柳新鮮，仲有少少肉汁，好正～話梅涼瓜特色開胃菜，用咗帶少少酸嘅甜話味，所以每片涼瓜都有話梅味，生津止渴，涼瓜帶甘味，都幾爽口，冰冰涼涼咁好消暑好過癮！