夏天就好想食啲辣野，去下濕氣又開胃啲
成日路過呢間餐廳都見好多人幫襯，絕對係食物質素既保證，睇menu都幾多款式菜式揀，有辣有唔辣，任君選擇，岩哂香港人口味，環境都幾舒服，坐得唔逼， 有梳化又圓枱位置，無論係朋友聚會定家庭聚餐都好岩
菜式好多都係猛火爆炒，夠嚟鑊氣，好食又唔貴，難怪成日都要排隊，真係唔洗北上都可以食到正宗既湖南菜，即叫即炒，出餐好快，道道好有鑊氣，超級好餸飯 成為左最受香港本地人喜歡的湘菜,稱得上排隊王！！
必叫招牌菜
湘味酸菜魚，辣椒炒肉
酸菜魚魚肉份量好多，肉質嫩滑，湯頭酸香，非常好食🤤；辣椒炒肉，勁惹味送飯一流，忍唔住食多兩碗飯，飯係以電飯煲上🤓，大大煲飯， 食完好滿足
另外仲叫左乾鍋肥腸，肥腸勁Juicy，咬落油脂豐富，每一啖都係滿滿嘅幸福感🥰
脆皮豬手，用湖南秘製滷水慢煮12個鐘 ，炸到外脆內糯滿滿嘅骨膠原，份量十足，美女們必叫😎
涼菜仲叫左個湘式拌魚皮，味道好驚喜，有啲啲芥末味，食落幾新奇好食😋
飲品完全令我震驚，超級無敵大杯
解暑西瓜檸檬茶，原來可以咁夾 仲有大大塊西瓜喺上面😎 超大杯鴨屎香檸檬，檸檬香味突出，就算咁大杯都飲得晒😂😂😂
原來仲有午市套餐人均$50免加一，岩哂香港返工一族
下午茶超抵食！$29起有半隻鷄加飲品（只限荃灣店） 已經約咗屋企人，下星期嚟試吓個下午茶😍
