今日終於試到依間店嘅米線喇!
有湯米線同撈米線揀, 配料仲可以自選.
我唔鍾意食韭菜、芫荽同蔥, 可以選擇唔要.
鍾意食花生同芽菜, 都可以加多啲.
辣到同酸度都可以自訂, 啱晒唔同口味.
一人餐 (HK$71):
炸燒賣
嗌餐嘅話就會送一個小食.
我就揀咗炸燒賣.
味道同普通燒賣一樣, 口感唔會好乾好硬.
酸辣小窩米線 (金獎腩肉、牛肝菌)
份量超大, 應該係我食過最大碗嘅米線!
我加多咗花生同芽菜, 超正!
米線軟硬適中.
我揀BB辣, 酸辣度啱啱好, 開胃又唔唔過辣.
金獎腩肉份量都幾多, 肥瘦均勻.
雖然menu寫住微辣, 但辣味唔明顯.
牛肝菌爽脆, 口感幾特別.
凍檸茶
食米線配返杯檸檬茶都幾爽!
自選 (HK$54):
酸辣小窩米線 (魚肉春卷、蘿蔔）
蘿蔔勁大嚿.
雖然食落唔甜, 但冇渣.
魚肉春卷口感結實.
依兩個餸同酸辣湯底好夾.
整體嚟講, 呢度嘅米線性價比超高.
份量多, 選擇多, 仲要好好食.
經過銅鑼灣我會想再嚟試.
