燈籠滷味 (登龍街) (Closed)

因為疫情關係已經好耐無出去食飯，今日難得出黎食下台灣野，緬懷一下去台灣既感覺。 我叫左黑糖珍珠奶綠 $24，朋友叫左黑糖珍珠奶茶 $24，可揀冰度同甜度，我通常都會叫少甜，個黑糖珍珠已經有甜味，奶綠既綠茶係我喜歡鮮綠茶個種味。我叫左冬粉配大腸 $20，另外仲叫左份綜合滷味拼盤 $48。碗粉好濃味，唔算太多湯，我叫症個拼盤，加加埋埋就好多餸！朋友叫左稻庭烏龍麵配大豆皮同鴨血 $33，個麵質唔錯，好煙韌，加辣仲惹味！滷汁水蓮菜 $30，好少食呢款菜，原來係好爽脆，除左水蓮菜，底下都舖左啲生菜，滷水汁就同其他滷味一樣味道。九份綜合芋圓加仙草 $34，甜度適中，仙草唔係太淋，有少少似龜苓膏質感，食食下見到有幾粒冰，夠凍所以更好。