【杞子花雕醉雞$68】
用個色彩鮮豔嘅兜盛住，影相出嚟都幾靚。花雕酒味夠濃，雞肉嫩滑十足。對醉雞味道不嬲有要求嘅我哋都好滿意。
【宋嫂魚羮$48】
湯料有冬菇絲、筍絲、火腿絲再加魚肉。魚肉少咗啲，味道亦稍嫌過酸。
【日喜灌湯小籠包$63】
小籠飽入面都幾多湯汁，而且湯汁帶鮮甜肉味，不錯。
【茶樹菇金菇高湯翡翠苗$88】
份量都幾多。翡翠苗爽甜香口，俾高湯浸住都唔會腍。高湯都算幾濃，仲有茶樹菇、金菇，一道菜兩種味道，抵。
【清炒蝦仁$128】
清炒嚟講味道鹹咗少少，不過蝦仁都幾多，蝦身白裡透紅，爽口兼蝦味濃，的確係高質蝦仁嚟。
【香酥鴨$138】半隻鴨切開上碟。外皮炸得香脆，鴨肉肥瘦適中。配送嘅荷葉夾用蒸籠上保持溫熱，用嚟夾住鴨肉食又係另一番風味。
【高力豆沙香蕉球$38】
外皮鬆軟兼蛋香十足，入面有豆沙同香蕉肉，不過豆沙就少咗啲。而味道就適中無過甜。
