洛奇冰室 (Closed)

平時行入登龍街都係搵拉麵食多，今日同男朋友行過見到有間新嘅冰室試業中，仲有個大隻佬Logo做招牌，都幾搶眼㗎！新開就少不免人多要等啦，不過鋪頭位置都好充足，等咗15-20分鐘左右先入座～ 先落單嘅外表普普通通，但就好惹味嘅麻辣雞飯，雞肉夠嫩唔「鞋」口，麻香味足夠晒開胃！最正係連飯都有油香味！為麻辣雞飯再度加分！ 等咗一陣先有得食嘅芝士焗海鮮烏冬，熱辣辣上菜，仲有芝士拉絲，爽口蝦仁配埋唔會焗得太冧嘅烏冬，無令我哋失望！夏天飲返杯又有咸柑桔、又有檸檬嘅龍鳳檸樂就夠晒爽啦！又咸又酸用嚟解暑真係一流呀！