Video
Read full review
2019-05-15
1654 views
近排特別喜愛蒲冰室，繼早兩天喺銅鑼灣新會道試咗間主打星馬咖喱、港式美食和招牌燒味嘅冰廳後，這晚又再次出動，而今次嘅目標就係呢間開業不足一個月嘅「龍門冰室」。翻查過網頁，原來餐廳早兩日喺炮台山又開咗另一間新分店，生意愈做愈大，看來食物應該有番咁上下水準。餐廳位於登龍街永光中心地舖，店面以黑白兩色為主調，牆上掛滿了食物相片，既清晰亦吸引。細看四周，地方雖然不算很闊落，亦沒甚麼擺設，但裝潢骨子企理，加上以梳化座位為主，讓人感覺舒服自在。安頓後先拿起厚厚的餐簿細閱，食物款式不少，有全日早餐、歐陸滋味餐、小食/三文治/脆豬餐、茶餐、百搭自選推介餐、廚師推介餐、焗飯/意粉餐、流心奄列餐、輕型流心多士餐、麻辣麵/飯餐、精選套餐、美式鐵板餐、日式玉子燒餐、意式風情精選套餐、韓式泡菜鐵板珍珠飯餐、小食、飲品、每日精選晚餐、3.6 特濃牛乳芝士玉子常餐等，選擇勁豐富；而且幾十蚊就已經有交易，非常經濟。我哋揀咗檸蜜脆豬、蜜糖雞翼、焗雜菌西蘭花、一客鐵板餐同飲品。點完餐後，店員問我想要甚麼口味咖啡。初頭的確有點摸不著頭腦，原來店員話餐廳依家做緊優惠，凡惠顧餐牌上任何食品，均會奉送精選咖啡一杯。既然有著數，當然
近排特別喜愛蒲冰室，繼早兩天喺銅鑼灣新會道試咗間主打星馬咖喱、港式美食和招牌燒味嘅冰廳後，這晚又再次出動，而今次嘅目標就係呢間開業不足一個月嘅「龍門冰室」。翻查過網頁，原來餐廳早兩日喺炮台山又開咗另一間新分店，生意愈做愈大，看來食物應該有番咁上下水準。
餐廳位於登龍街永光中心地舖，店面以黑白兩色為主調，牆上掛滿了食物相片，既清晰亦吸引。細看四周，地方雖然不算很闊落，亦沒甚麼擺設，但裝潢骨子企理，加上以梳化座位為主，讓人感覺舒服自在。
安頓後先拿起厚厚的餐簿細閱，食物款式不少，有全日早餐、歐陸滋味餐、小食/三文治/脆豬餐、茶餐、百搭自選推介餐、廚師推介餐、焗飯/意粉餐、流心奄列餐、輕型流心多士餐、麻辣麵/飯餐、精選套餐、美式鐵板餐、日式玉子燒餐、意式風情精選套餐、韓式泡菜鐵板珍珠飯餐、小食、飲品、每日精選晚餐、3.6 特濃牛乳芝士玉子常餐等，選擇勁豐富；而且幾十蚊就已經有交易，非常經濟。
我哋揀咗檸蜜脆豬、蜜糖雞翼、焗雜菌西蘭花、一客鐵板餐同飲品。點完餐後，店員問我想要甚麼口味咖啡。初頭的確有點摸不著頭腦，原來店員話餐廳依家做緊優惠，凡惠顧餐牌上任何食品，均會奉送精選咖啡一杯。既然有著數，當然唔可以錯過，點咗鮮奶咖啡 ($0)，杯咖啡雖然無拉花效果，但面層的奶泡打得夠綿密，而且飲落亦頗香醇。
一向愛吃豬仔包，所以特意點了這客檸蜜脆豬 ($31)，豬仔包 size 比預期大，烘至色澤金黃，不過可能是擺放了一陣子才端上的關係，吃起來不算很脆口，但每啖都有檸檬嘅酸味同蜜糖嘅甜香，配搭恰到好處。
接著是蜜糖雞翼 ($45)，雞翼一客有 6 隻，外皮烤得唔算香脆，不過入面嘅雞肉很嫩滑，而且完全沒有半點多餘脂肪，配上蜜糖，能提味之餘，亦減少了雞翼的油膩感。 
黑松露芝士焗雜菌西蘭花 ($55)，西蘭花非常大碟，份量十足，加上即點即焗，上檯時仍熱辣辣。叉起入口，西蘭花焗得剛好，不會太腍身，食落夠曬爽口又唔會肥淋淋，而且吃時更傳出陣陣芝香同松露醬的幽香。
鐵板餐點了美式雜扒 ($90)，套餐可配飯、意粉或薯菜，跟是日餐湯，而醬汁方面就有鮮茄汁、芝士汁、咖喱汁、黑椒汁、燒汁、龍蝦汁可供選擇。是日餐湯為雜菜羅宋湯，湯色紅紅橙橙，入口微酸帶甜，惹味開胃。
至於雜扒餐方面，用料亦絕不欺場，除了豬扒、雞扒、腸仔、煙肉同煎蛋外，還有西蘭花、蕃茄、粟米等配菜。件豬扒比手掌還要大，入口軟腍不死實；雞扒厚度適中、而腸仔、煙肉亦煎得夠香口，整體水準唔錯。
套餐配有咖啡或茶，將飲品轉咗做菠蘿冰 (+$7)，另外再散點咗杯奶茶紅豆冰 ($26)。菠蘿冰雖然並非以新鮮菠蘿炮製，不過味道頗清甜；另外奶茶紅豆冰亦很有水準，奶香同茶味的比例十分平衡，配上大粒起沙的紅豆，茶香中滲出紅豆的甜香，味道一流。
整體來說，這裡的食物質素唔錯，份量十足，而且花款又多，加上定價夠親民，應該會 keep 住幫襯。
Post
