McCafe (Closed)

今日係大表姐一家飛返加拿大嘅日子，所以我們同大姨媽，仲有細表姐一家都喺下午一齊去咗送機！喺上機前做好晒所有手續之後，距離上機仲有一段時間，所以我們就去咗機場一號客運大樓嘅「McCafe」飲下午茶！我們叫咗鷄肉火腿碎蛋芝味多士同扭扭粉煙肉芝味多士嘅多士我們特別要求咗店員幫我們烘熱一吓，因為兩款多士都係有芝士，所以啲芝士就溶化咗，食落有啲可以拉成絲嘅效果，味道都算幾濃郁，鷄肉嘅份量係非常少，甚至可以話係唔多覺有，而碎蛋都幾軟滑，但味道就唔係好突出，至於扭扭粉嘅質感都算煙韌，但味道就淡而無味，而煙肉嘅味道就唔算好芳香！