Dreamliner

唔知你嘅夢想係咩呢？我A姐嘅夢想就係成為公主...…No la，公主太低級喇，我夢想係成為M佬嘅女皇，haha！真係發夢都無咁早！但近年好多年青一代夢想係創業，所以多咗好多小店，而我A姐就最支持呢啲小本經營，今日就去到旺角女人街嘅夢想號Dreamliner，尋找一吓呢間小店嘅味道啦！

每張枱都有大大支嘅洗手液？原來係一支飲得嘅水，都幾得意吖！

原條鰻魚飯：晚餐包湯仲有半價飲品，好抵呀！而最抵食係可以嘆到原條鰻魚，仲有蛋同沙律菜伴碟，味道都唔錯，只係最鍾意嘅鰻魚汁相對較少。

原條鰻魚飯

部隊鍋：部隊鍋有牛肉、午餐肉、魚餅、芝士腸、韓國麵、蝦、娃娃菜同好多芝士！份量絕對唔講得少！呢個部隊鍋嘅湯底顏色一啲都唔紅，以為辣味不足？但索晒湯嘅娃娃菜其實都幾辣。不過，如果多啲泡菜就更加好喇。

1

部隊鍋

邪惡午餐肉：午餐肉本身已經好邪惡，仲要係炸嘅就更加邪惡！外脆內軟，熱辣辣脆卜卜，真係好好味呀！M佬就最鍾意佢用午餐肉罐就器皿，話咁樣可以洗少隻碟喎！

2

邪惡午餐肉

爆辣鳥串：辣味刺激感十足！一碟有4大隻雞翼，好抵食呀！

爆辣鳥串

和牛串：燒得啱啱好，牛肉夠淋身又juicy！

1

和牛串