瘋狂小面 (佳德商業大廈)

Open Now

Now Closed

餐廳：瘋狂小面地點：中環士丹利街樓上餐館菜式：川菜餐牌：主打小麵（即係傳統重慶小麵），餐牌基本上就係三款組合既麵餐，麵+飲品 $87麵+飲品+小吃／甜品 $98麵+飲品+小吃+甜品 $109另設加一。飲品同小吃都可以加錢升級。另外可以再加料。麵可以揀乾撈麵或者湯麵，同埋麻度同辣度。自己剔紙落單。番茄牛肉麵 碗麵熱辣辣上枱！首先飲啖番茄湯，湯底超正，帶有天然番茄甜味，食到番茄肉。番茄配蔥花同香茜好夾！餐牌寫明呢度用新鮮水麵，非油炸或掛麵，又真係食得出，好健康。d麵都唔會話太軟身或一pat pat，分量足。另有5塊超薄切牛肉，非常重滷水味，配番茄湯剛好！仲有3條菜心苗。我另外加左兩款料。牛肉 加$15 另加一呢個價錢有3粒牛肉粒。牛肉粒帶牛筋，好嫩口。滷水味濃！煎蛋 加$9 另加一煎蛋係脆皮！而入面蛋黃就全熟，配番茄湯又係一流！熱檸水（跟餐） 今日好凍，飲返杯熱檸水暖身，有兩片檸檬。食完飲完係出汗！