Lei Garden (Sai Yee Street)

利苑，好耐之前在報章看過管理層非常注重前線員工嘅服務態度及食物質素,對佢哋服務態度頗有保留！旺角洗衣街利苑早上開11:30，訂位必須，冇訂位通常唔比你入。有次星期六冇訂位入去，樓下接待女員工面無表情咁講，冇訂位⋯冇位！疫情過後之一兩個月每次上到去旺角利苑都仲有大把吉枱，有位唔收客，定係佢哋淨係做熟客唔志在做walk in 生客？…..
我哋兩位，雖然成場都係吉枱但係仍被安排去一個面壁位進食🥲，如果真係冇位就唔介意將就吓！
描述一下食物嘅質素：

點心，鹹水角同芋角，keep到水準，起碼夠熱，餡料亦唔太多味精。

鹹水角、芋角

跟住珍珠雞及豆苗餃，珍珠雞係咁多點心裏便水準算係最好嘅，豆苗餃蒸嘅時間亦算控制得恰當。

珍珠雞菜苗餃

肉絲炒麵, 呢個真係好唔掂, （以前炒嘢好唔錯架）麵完全冇味，相對外面D大酒樓麵都會放少少調味落去，再食落去發覺肉絲銀芽芡汁都係冇味，同埋勁好油，我最後打側隻碟將啲油漏出嚟，起碼多過一湯匙，結果係食剩，我知道係浪費食物，但係咁油真係食唔落…..

全無味道嘅肉絲炒麵（好油）

埋完單都仲見多張吉枱⋯⋯

食完嘅時候仍然多張吉枱

落到樓下，兩個接待員自顧自地傾偈，
連拜拜都欠奉，唉！話晒都叫做有質素嘅酒樓，基本禮貌係必須嘅，否則真係有負利苑呢個金漆招牌，太可惜吧⋯