大喜屋

Open Now

Now Closed

疫情放緩，加上有埋消費券，啊仔難得平日放假，就帶我去食返餐勁嘅！大喜屋向來有質素保證，今日無論食嘅刺身、熟食、小食、炸物等等都相當之有水準！刺身非常新鮮，文姐最欣賞佢嘅赤貝，爽口又鮮甜，啊仔就最鍾意食赤蝦，爽甜拆埋肉，而比較少見嘅象拔蚌餐廳都有提供！外邊嘅自助區仲有好多海鮮添：無論係蒸魚、龍蝦、凍蜆一出，大家就蜂擁而上，我都唔執輸，夾左小小。小食方面全是驚喜，雞、牛、羊、魚、海鮮乜都有！叫咗燒羊鞍，羶味唔重而且好易咬，燒得恰到好處！而且仲有麻辣小龍蝦食，文姐不顧儀態，食到舔舔脷😋😋食到咁上下，梗係要有返啲甜品啦！餐廳款式頗多，每樣嘅份量唔會好多，咁就可以乜都試下！特別鍾意佢嘅大福，夠哂煙煙韌韌，又有三款口味（抹茶、朱古力、芒果）男仔比較大食，唔夠飽可以去行吓自助區攞心儀嘅食物。有不同嘅沙律，小食，係食豐富嘅放題之餘，亦都可以食下沙律消消滯。當然食物都係有蓋嵌着，非常之衛生。另外都有唔同嘅飲品同甜品俾大家選擇，例如汽水，雪條，雪糕等等。滿足哂鍾意食甜品嘅食客。