Mamaday (Moved) New Location

疫情下中午比較少出街食飯，今日約咗同事，搵返一啲熟悉嘅餐廳安全一啲，嚟到呢度發現到有七至八成滿座，難得疫情下人氣仍然旺盛。基本上餐牌嘅選擇大致不變，之前都試過好多款人氣食品，似搵啲新嘅選擇試吓。柚子黑咖啡，平時都比較少飲黑咖啡，因為冇奶嘅中和會有少少酸，但呢個柚子黑咖啡相對冇咁酸，亦唔會苦。有蟹Go又有蟹肉嘅意大利扁麵，講到明有蟹膏，但估唔到真係有咁多蟹膏，有兩隻蟹鉗，蟹肉嘅香氣同意大利面都幾夾，落去啖啖肉，好fresh。虎蝦薄餅，6隻大大隻嘅虎蝦平均分布喺薄餅中，顯得虎蝦特別大隻，食落去蝦肉彈牙新鮮，薄餅薄脆，好有泰國風味。