Video
Read full review
2020-03-25
463 views
疫境中一枝獨秀的馬拉菜荃灣區工廈林立， 向來不乏高質食肆，但連月來受疫情影響，大多數人都減少出外用膳，晚巿更見慘淡，但走到大壩街，顯而易見得「蘇媽」一枝獨秀！疫境之下店外依然大排長龍，等位等外賣的食客絡繹不絕，周六傍晚需等大約30分鐘，不過為咗一嘗正宗肉骨茶都係值得！加上一入位後上菜速度幾快，唔洗等好耐就可以大快朵頤～當晚我哋三人total點左四款食物就已經好滿足。首先必推一定係豬腳彎肉骨茶！湯頭呈琥珀色，帶有甘甜的中藥材味，一飲暖意遍佈全身，天氣涼涼地飲就最舒服；而每片豬腳彎嘅皮、肉、脂肪比例完美，先是Q彈煙靱嘅豬皮，然後是一層脂肪溢出油香，再而是實而不柴嘅豬肉部份，加啲甜豉油，一啖過咁食就最爽皮。第二必食係咖央西多士， 烤多焦脆嘅麵包中間㚒住帶有南洋風味、濃郁椰香、醇厚豐盈嘅咖央醬，咬嚼之下又是一番享受。第三推介是馬拉沙嗲串燒，濃厚沙嗲醬好澎湃咁覆蓋住三枝肉串，相信呢個係我喺香港食過最頂呱呱嘅沙嗲，有超濃嘅花生、沙薑等香料味道，任何肉一蘸呢個醬都一定好食，較推介點豬肉串，帶有豬頸肉的爽脆質感。最後，當晚點咗檳城亞參喇沙米線，眼見材料相當豐富，有大量洋蔥、薑花，花生及薄荷葉，加上一湯
荃灣區工廈林立， 向來不乏高質食肆，但連月來受疫情影響，大多數人都減少出外用膳，晚巿更見慘淡，但走到大壩街，顯而易見得「蘇媽」一枝獨秀！疫境之下店外依然大排長龍，等位等外賣的食客絡繹不絕，周六傍晚需等大約30分鐘，不過為咗一嘗正宗肉骨茶都係值得！加上一入位後上菜速度幾快，唔洗等好耐就可以大快朵頤～當晚我哋三人total點左四款食物就已經好滿足。首先必推一定係豬腳彎肉骨茶！湯頭呈琥珀色，帶有甘甜的中藥材味，一飲暖意遍佈全身，天氣涼涼地飲就最舒服；而每片豬腳彎嘅皮、肉、脂肪比例完美，先是Q彈煙靱嘅豬皮，然後是一層脂肪溢出油香，再而是實而不柴嘅豬肉部份，加啲甜豉油，一啖過咁食就最爽皮。第二必食係咖央西多士， 烤多焦脆嘅麵包中間㚒住帶有南洋風味、濃郁椰香、醇厚豐盈嘅咖央醬，咬嚼之下又是一番享受。第三推介是馬拉沙嗲串燒，濃厚沙嗲醬好澎湃咁覆蓋住三枝肉串，相信呢個係我喺香港食過最頂呱呱嘅沙嗲，有超濃嘅花生、沙薑等香料味道，任何肉一蘸呢個醬都一定好食，較推介點豬肉串，帶有豬頸肉的爽脆質感。
最後，當晚點咗檳城亞參喇沙米線，眼見材料相當豐富，有大量洋蔥、薑花，花生及薄荷葉，加上一湯匙嘅蝦膏，食嘅時候倒入湯底更添一陣鹹香，而湯底微辣帶酸，搭配順滑米線，每啖都係地道風味，令人食唔停口！最最最後，點都要留肚添飲多兩碗肉骨茶先夠盡興！要讚係服務員態度好好，要添飲時表情絕無異色，哈哈！
Post
