Come Buy (Closed)

去得葵廣，基本上飲野食野係指定動作，行到個人累累地，買左少少野食，諗住去買d野飲。果到都好多選擇，行左幾間都未揀到邊間好，又唔想飲生果茶。🤔旁邊就係貢茶，但見come buy 呢間野從來未試過，咪諗住幫襯下。首先服務已經唔係好，個比錢counter好似好窩心咁有個mon睇到叫左咩，幾錢，但係簡體字，有少少覺得怪怪地。我地等左一陣就見到有杯野飲放左係櫃枱，但又冇人叫號碼，我地自己行埋去拎，都冇人理過我地，如果唔係我地自己走去check，第個拎左都得嫁啦？-白桃蜜烏龍茶講返野飲，佢係完全冇白桃味，淨係飲到甜既烏龍茶，白桃呢❓-最後冇飲完就掉左，唉，算啦，當跌左錢算，唔會再幫襯