有料案內所 (毓雅里) (Closed)

疫情關係已經兩年冇得搭飛機，聽到寶琳新開左呢間‘有料案內所’ 即刻去試新野😆聽到wasabi 明太子章魚燒個名已經覺得好吸引，將同埋調味同埋個煮嘅外表隨口咁都好夠，如果裏面嘅章魚粒可以多番少少就好啦😝 因為我哋係lunch時間過去，所以甜品可以揀lunch set，揀咗焦糖布甸疏乎厘pancake，配綠茶雪糕，表面嘅焦糖燒得剛剛好，不過一吉落去個表面嘅焦糖同個底嘅pancake好容易分離，但係一齊食個效果唔錯，個pancake嘅蛋味都好濃好香，下次再嚟都會再嗌😚個伯爵茶疏乎厘pancake，好欣賞上面個cream，見到佢有一點點伯爵茶嘅茶葉而且佢打出嚟嘅cream唔會死甜，好清新香口❤️ 食咗咁多甜品，係時候帶返個奶蓋靜岡烏龍茶，今日天氣比較凍所以嗌左熱嘅，個奶蓋個質感都打得唔錯，奶味亦都好香❤️ 配甜品鹹點食一流將軍澳終於有返一間似樣啲嘅疏乎厘pancake，令我暫時忘記我自己處身喺香港😌