三禾中日料理 (Closed)

年幾前黎過呢間餐廳，個時既賣點係打邊爐又得，食刺身又得。今次襯勞動節假期，同朋友又再黎呢間餐廳，估唔到佢今次連燒烤都玩埋。1個價錢，3種享受。今年唔知咩事，茜潮再現，我地緊係要追貼潮流，黎個芫茜皮蛋湯底拉。呢到既牛肉真係比其他地方靚再整番個刺身先超新鮮既帶子，用黎刺身食又得，打邊爐又得，得左。當然唔少得雞子拉。仲有鱔片，鵝腸，蝦。會爆醬既薑汁貢丸，真係要小心。芝士牛丸，你睇下幾多芝士。打邊爐打到一半，我地就開始玩燒烤。入場+1蚊就有得玩燒烤，仲有個海鮮拼盤比你。你冇聽錯睇錯，真係+1蚊。燒元貝，新鮮貨，好甜。燒鱔，燒魷魚鬚。推介燒鱔。餐廳冇提供任何調味。。。唯有自己動手用少少豉油，再燒。有豉油同冇豉油係2個世界。燒午餐肉，估你唔到，連午餐肉都可以燒燒烤當然要青島拉最後，當然係甜品時間。我敢講，呢到既心太軟絕對做得好過出面好多甜品店。我食左3碟心太軟埋單每人唔洗200蚊，就可以玩齊打邊爐，刺身，燒烤，呢個價錢，真係贏晒。