武士拉麵 (Closed)

放工已經差唔多九點，附近有一間拉麵店，上網睇相唔錯，就行左入去理間武士拉麵。麵店座位約十個，時間已經九點幾，店鋪都差不多打烊，咁就岩，暫時淨係招呼我一個。武士拉麵名字既由來，會唔會係老闆係個日本武士粉絲？全店都係日本武士公仔，裝潢算別出心裁。店內餐牌有圖畫又最大格既係理兩個，睇食評都比較多人點。但我想食得淡味啲，問下店員有咩好介紹。佢話坂上將軍拉麵一日只做六至七碗，比較醒胃，於是點了這個蕃茄湯底拉麵。我還以為蕃茄會令成碗湯變紅，結果師傅捧到枱前，湯底帶橙色，應該係被豬骨湯中和了顏色和酸度。附兩片叉燒、一隻糖心蛋、兩片紫菜和大量蔥。我二話不說，先飲一啖湯底。湯底不太稀、也不覺酸，應該是豬骨中和了蕃茄酸度，但這倒和我期待的那股能刺激口水的「酸」帶點落差。試試叉燒，一圈肥肉包圍一圈瘦肉，不算厚，這可能是入口嫩滑既原因。叉燒入味，帶鹹香，未知是否切片後再經處理過。這種鹹香竟意想不到地和醒胃既蕃茄湯底非常搭配糖心蛋蛋黃半透明，半生熟剛剛好，蛋白都可以，算滑溜。至於麵身，我想我先試了所有配菜，才吃第一口麵，加上我較偏好硬身，今次麵身就軟了一點點。食物整體還算可以，裝潢擺設帶點意思，下次再路過或者會