戀上台式料理 (Closed)

今晚來嚐嚐台式食物，坐在海旁幾舒服。食店唔算大，很快就坐滿。而戶外的位置就啱秋涼時份坐。同宜家好多餐廳一樣，用手機掃描二維碼落單，夠方便。未叫嘢之前先嚟碟青瓜開胃一下，青瓜幾爽口。嚟到台式料理當然嚐杯珍珠奶茶，我就唔飲太甜，而呢到亦可揀少冰、少甜，夠貼心唔錯。隔著枱與枱之間的隔板貼上櫻花確係添上氣氛。麻辣鴨血湯麵~食到噴火！果然夠麻亦夠辣，鴨血軟軟地夠Q彈，吸收咗麻辣更惹味，麵幾爽口，同鴨血幾夾。魯肉飯配溫泉蛋，溫泉蛋係點綴，肉碎先係主角，有汁攪埋飯一齊食唔開胃就難，呢個飯38蚊夠晒經濟實惠。芋圓仙草豆腐花~飯後甜品係煙韌芋圓，加仙草同豆腐花嘅組合幾特別，份量剛好，太多會好飽，所以品嚐完就圓滿了。