尚點 小籠包.上海麵館 (元州商場) (Closed)

在元州邨附近行街，到了晚飯時間，就在附近搵到這間蘇杭菜館。兩個人食，一主食一小食一湯兩飯，再加兩個小點，就己經足夠食飽，埋單都係200零300蚊。我哋選咗鎮江排骨，賽螃蟹，酸辣湯，再加追小籠包，銀絲卷，桂花糕/椰汁西米糕。鎮江排骨煮得好入味，酸甜度剛好，連骨都好冧，餸汁撈飯就一流。賽螃蟹就比想像中滑溜，酸辣湯覺得比較偏鹹少少，但辣度剛好，至於小籠包銀絲卷都合乎標準，桂花糕同椰汁西米糕甜度剛剛好，一個清淡帶油花香，另一個椰汁味唔會太濃。