Video
Read full review
2021-11-30
30 views
未試過地中海菜，經過就去試下。 餐廳環境都幾relax，燈光柔和，今日天氣唔太熱好chill；下午茶時間無午餐，只可以散叫試下不同野食。兩個人叫左總共四樣嘢。頭盤叫左一個地中海茄子泥配皮塔包，同埋一個炸魷魚。炸魷魚同平時街邊港式個啲簡直係兩回事。炸皮超薄，魷魚肉又超大塊又厚切，食落唔韌之餘更加稱得上係juicy，唔錯。茄子泥配包另一邊廂就好清新，解左炸魷魚嘅油膩，食落質地雖然似bb食物但反而有種comfort food易入口嘅感覺，叫得幾好。主菜叫左個經典pizza，另外見其他枱個個都叫咗串燒，所以我哋都叫咗一串海鮮串燒。經典pizza係雞肉配上菇同芝士，中規中矩咁啦。值得一題係個海鮮串燒，一上枱果下嗰串野真係好吸晴，有蝦，吞拿魚同三文魚各一，魚燒過之後唔會燶，入面都好嫩滑，配上燒烤醬同雞尾酒醬，味道都幾襯。四樣嘢雖然睇落份量唔大，但食落都幾飽肚，黎既朋友又注意下！
兩個人叫左總共四樣嘢。頭盤叫左一個地中海茄子泥配皮塔包，同埋一個炸魷魚。
炸魷魚同平時街邊港式個啲簡直係兩回事。炸皮超薄，魷魚肉又超大塊又厚切，食落唔韌之餘更加稱得上係juicy，唔錯。
茄子泥配包另一邊廂就好清新，解左炸魷魚嘅油膩，食落質地雖然似bb食物但反而有種comfort food易入口嘅感覺，叫得幾好。
主菜叫左個經典pizza，另外見其他枱個個都叫咗串燒，所以我哋都叫咗一串海鮮串燒。
經典pizza係雞肉配上菇同芝士，中規中矩咁啦。值得一題係個海鮮串燒，一上枱果下嗰串野真係好吸晴，有蝦，吞拿魚同三文魚各一，魚燒過之後唔會燶，入面都好嫩滑，配上燒烤醬同雞尾酒醬，味道都幾襯。
四樣嘢雖然睇落份量唔大，但食落都幾飽肚，黎既朋友又注意下！
Post
