Video
Read full review
2016-02-03
3975 views
做人做到規規矩矩咁樣雖然好穩陣，但係人都總係會想放縱一下嘅。尤其尤其係滿足一下自己嘅食慾啦⋯⋯ 聽講旺角有間放題好鬼死多人（其實都唔使「聽講」啦我一開Openrice 佢都已經係最高個幾名），咁為咗揀個最穩陣、公信力最高嘅，朕揀左佢。 去到門口都幾多人等緊位喎，見到佢個牌話身高120 cm或以上會以成人價收費，咁唔知朕嘅小朋友價係幾錢呢？ Anyway 唔使講咁多，朕先來個雞軟骨同年糕炸一炸佢先！香口就唔使講啦，原來佢啲雞軟骨都幾入味喎，加啲七味粉辣辣地就更加好食！芝士年糕咬落熱辣辣，個心啲芝士流晒出嚟，唔錯喎！ 呢度嘅 house 梅酒絕對可以一試，成班 fd 子一齊 cheers 一 round 岩晒！天婦羅都係中規中矩熱辣辣，送酒啱晒啦！ 麗都大家最關注嘅刺身，佢果然不負所望係厚切喎！朕就最鍾意食三文魚，所以特登叫多幾舊～ 呢度嘅燒牛舌係薄燒嗰隻黑椒味唔使講都知係最夾，燒出嚟好香口，加幾滴檸檬汁 - 掂左！ 呢度最好食嘅，一定係呢一個超級香嘅粟米杯！牛油味香濃，粒粒粟米甜到入心，今晚嘅主角仲唔係你？？喂，黎多兩杯呀唔該！ 食飽飽，我即刻衝返屋企我返50個圈先！
聽講旺角有間放題好鬼死多人（其實都唔使「聽講」啦我一開Openrice 佢都已經係最高個幾名），咁為咗揀個最穩陣、公信力最高嘅，朕揀左佢。
去到門口都幾多人等緊位喎，見到佢個牌話身高120 cm或以上會以成人價收費，咁唔知朕嘅小朋友價係幾錢呢？ Anyway
唔使講咁多，朕先來個雞軟骨同年糕炸一炸佢先！
香口就唔使講啦，原來佢啲雞軟骨都幾入味喎，加啲七味粉辣辣地就更加好食！芝士年糕咬落熱辣辣，個心啲芝士流晒出嚟，唔錯喎！
呢度嘅 house 梅酒絕對可以一試，成班 fd 子一齊 cheers 一 round 岩晒！天婦羅都係中規中矩熱辣辣，送酒啱晒啦！
麗都大家最關注嘅刺身，佢果然不負所望係厚切喎！朕就最鍾意食三文魚，所以特登叫多幾舊～
呢度嘅燒牛舌係薄燒嗰隻
黑椒味唔使講都知係最夾，燒出嚟好香口，加幾滴檸檬汁 - 掂左！ 呢度最好食嘅，一定係呢一個超級香嘅粟米杯！
牛油味香濃，粒粒粟米甜到入心，今晚嘅主角仲唔係你？？喂，黎多兩杯呀唔該！
食飽飽，我即刻衝返屋企我返50個圈先！
p.s. 大家唔好咁市儈，唔好諗住番本番本今次可不可以食返個「本」，而係.......「開啟此」 (well according to google translate) 都係不明白。
完!!!!!!!!!!!!!!!!!!!
Post
