Simplylife Bakery Cafe

Open Now

Now Closed

係金鐘比較多外籍人士，所以侍應對外藉人士面口和態度係比較好㗎! 對我地就一般。南瓜湯味道香濃。煎鰽魚炒雜菜香草燒薯芥末籽汁鰽魚有部分的位置嫩滑，有部分有比較鞋口。配菜同醬汁都整得唔錯。辣茄汁海鮮手製扁意粉唔覺得辣，蕃茄味濃，蜆肉吸曬所有蕃茄的味道，魷魚好硬，食到尾直情硬掘掘，手製扁意粉質感唔錯，不過凍咗。車打芝士煙肉牛肉漢堡賣相好得，但係牛肉的肉質比較韌，少咗一啲肉汁，薯條好香脆可口。 呢個車打芝士煙肉牛肉漢堡要等好耐，食完咗鰽魚同扁意粉之後先至上枱， 但職員冇同我哋講過要等咁耐。要左少冰，所以有味道。就算甜品幾吸引，服務卻如此，都唔會回頭幫襯。