Video
Read full review
2015-06-10
853 views
我地四個人夜晚九點半到登龍街搵餐廳食飯，周圍餐廳都好多人（其他鋪外都至少有兩三堆客）等緊，見thai shing門口冇人等就去𥄫下個menu 好似都ok就入去。但我地兩個人到咗先（另外兩個朋友就嚟緊），我地入去都未有位，咁一位女職員就上前同我地講：「執緊枱，好快，下張到你」等咗一陣（都有五至十分鐘），有一枱客人出嚟，枱又執完，咁我地就入去問係咪可以坐低同order（因為一路都係得我地兩個等緊，冇其他客人等，我地未嚟嘅朋友亦去到地鐵站行緊過嚟），個女職員俾我地坐，但突然有個男職員同我地講：「你地人齊先可以坐！」咁我地乖乖咁出去，隔咗一陣我地見都冇人等緊但張枱空住，所以我地再入去提議：「我地其實諗好晒四個叫咩食，而家可以落order,可唔可以坐住等，出面好熱 」但個男職員好惡咁同我地講：「你地人齊先可以坐低！」我同朋友好無奈，就講：「咁我地而家兩個人，當兩個人人齊坐低order嘢食ok 嗎？」（當時亦未有其他客人等候）但個男職員keep住好惡好大聲咁同我地講：「咁你兩個人就出去等下先，呢張係四人枱，到時有兩人枱先俾你坐！」跟住我地仲喺度拉鋸緊嘅時候（我地係接近哀求嘅語氣，
我地四個人夜晚九點半到登龍街搵餐廳食飯，周圍餐廳都好多人（其他鋪外都至少有兩三堆客）等緊，見thai shing門口冇人等就去𥄫下個menu 好似都ok就入去。
但我地兩個人到咗先（另外兩個朋友就嚟緊），我地入去都未有位，咁一位女職員就上前同我地講：「執緊枱，好快，下張到你」
等咗一陣（都有五至十分鐘），有一枱客人出嚟，枱又執完，咁我地就入去問係咪可以坐低同order（因為一路都係得我地兩個等緊，冇其他客人等，我地未嚟嘅朋友亦去到地鐵站行緊過嚟），個女職員俾我地坐，但突然有個男職員同我地講：「你地人齊先可以坐！」
咁我地乖乖咁出去，隔咗一陣我地見都冇人等緊但張枱空住，所以我地再入去提議：「我地其實諗好晒四個叫咩食，而家可以落order,可唔可以坐住等，出面好熱 」
但個男職員好惡咁同我地講：「你地人齊先可以坐低！」
我同朋友好無奈，就講：「咁我地而家兩個人，當兩個人人齊坐低order嘢食ok 嗎？」（當時亦未有其他客人等候）
但個男職員keep住好惡好大聲咁同我地講：「咁你兩個人就出去等下先，呢張係四人枱，到時有兩人枱先俾你坐！」
跟住我地仲喺度拉鋸緊嘅時候（我地係接近哀求嘅語氣，同佢講我地可以即刻叫嘢食）， 突然嚟咗三位大陸女客人，男職員就安排咗佢地入座，趕咗我地兩個出去，一分鐘後，我朋友亦到咗，未食就成肚氣
男職員態度勁差，由頭到尾一個唔好意思/唔該都冇句，推介你地入去食，可以慳返唔少錢，因為未食就谷到你成肚氣
Post