Video
Read full review
2010-09-26
355 views
2010年9月5日 (星期日)男朋友生日馬灣 挪亞方舟度假酒店 豐盛閣避風塘海鮮自助晚餐, 好味道！ q(^o^)p9月5日係男朋友生日，我安排左去挪亞方舟玩兩日一夜，9月5日入住挪亞方舟度假酒店，買左全套挪亞方舟門票，慢慢玩兩日，休息一下，夜晚食酒店自助晚餐。本來唸住揀"Beachside Cafe 青馬海景BBQ自助晚餐"，但係前兩日打完風，日日都落大雨，酒店取消左露天青馬海景BBQ自助晚餐，搞到有少少失望，點知避風塘海鮮自助晚餐令我喜出望外。經朋友提示，我訂位時已要求預訂落地玻璃，望青馬大橋既枱，由青馬大橋日景變為夜景，真係好靚，好浪漫！ 好彩天公造美，我哋玩呢兩日都冇落過雨，仲好好天，出猛太陽。自助餐款式多，補充快，樣樣都啱食，避風塘炒蟹有d辣, 但係炒得好香，北京片皮鴨好香好脆，刺身好新鮮，特別係三文魚，豬頸肉好多汁唔乾，焗蠔好好味，雖然補充得好快，但係其他人拎得仲快，過左兩輪，已經由其他食物代替，所有嘢都好新鮮，唔錯，我一定會再嚟。食飽飽之後，我扮去拎野食，然後由餐廳經理細心安排下，俾左個我一早預訂送俾男朋友既生日蛋糕，點左蠟燭後，我將生日蛋糕送到枱上, 俾男朋友一個驚喜。
男朋友生日
馬灣 挪亞方舟度假酒店 豐盛閣
避風塘海鮮自助晚餐, 好味道！ q(^o^)p
9月5日係男朋友生日，我安排左去挪亞方舟玩兩日一夜，9月5日入住挪亞方舟度假酒店，買左全套挪亞方舟門票，慢慢玩兩日，休息一下，夜晚食酒店自助晚餐。本來唸住揀"Beachside Cafe 青馬海景BBQ自助晚餐"，但係前兩日打完風，日日都落大雨，酒店取消左露天青馬海景BBQ自助晚餐，搞到有少少失望，點知避風塘海鮮自助晚餐令我喜出望外。
經朋友提示，我訂位時已要求預訂落地玻璃，望青馬大橋既枱，由青馬大橋日景變為夜景，真係好靚，好浪漫！ 好彩天公造美，我哋玩呢兩日都冇落過雨，仲好好天，出猛太陽。
自助餐款式多，補充快，樣樣都啱食，避風塘炒蟹有d辣, 但係炒得好香，北京片皮鴨好香好脆，刺身好新鮮，特別係三文魚，豬頸肉好多汁唔乾，焗蠔好好味，雖然補充得好快，但係其他人拎得仲快，過左兩輪，已經由其他食物代替，所有嘢都好新鮮，唔錯，我一定會再嚟。
食飽飽之後，我扮去拎野食，然後由餐廳經理細心安排下，俾左個我一早預訂送俾男朋友既生日蛋糕，點左蠟燭後，我將生日蛋糕送到枱上, 俾男朋友一個驚喜。我訂左芒果芝士蛋糕，好足料，有好多芒果，白朱古力牌上寫既字，又夠大隻同清楚，蛋糕又好好食。希望我男朋友永遠唔會忘記今晚啦，祝你生日快樂！
我第一次寫食評咋，希望各位鍾意啦！
當日亦都有唔少家長帶埋小朋友，餐廳安排左設計花燈比賽，提供玻璃紙、鐵線、顏色筆俾小朋友自製花燈，完成品會掛喺餐廳俾大家投票，勝出有獎品，好似係自助餐券，我見到d小朋友玩得好開心。
食物包括：
- 避風塘炒蟹
- 北京片皮鴨
- 冰梅蝦
- 燕窩蟹皇粥
- 辣酒花螺
- 椒鹽瀨尿蝦
- 刺身：三文魚、八爪魚、吞拿魚
- 豬頸肉
- 焗蠔
- 青口
- 翡翠螺
- 羊架
- 甜品：梳孚里、椰汁糕、布甸、芝士蛋糕．．．等
2010年9月5日 (星期日)
避風塘海鮮自助晚餐
自助晚餐價錢：成人/$228 (+10% = $250.80/每人)
芒果芝士蛋糕：$120**
Total : $120 + $250.8 x 2 = $621.60
**特別預訂送俾男朋友生日蛋糕，芒果芝士蛋糕 $120，要預早選訂生日蛋糕款式，交出白朱古力牌上內容文字，最遲一日前繳交蛋糕訂金，可安排由侍應將已點蠟燭既生日蛋糕送到枱上，或由自己送上蛋糕到枱上，俾另一半一個驚喜
Post
