東園快餐 (Closed)

食過依間野幾次，講真味道唔係話比最好既好。叫好食又唔係特別好食，但令我一黎再黎既原因，除左因為近同平之外，我諗應該係因為有地道味。佢既咖哩汁唔係話有咩別國風情，味道嘛又係咖哩味囉。值得我講只係因為有落薯仔，約五六粒掛，細細舊的，唔係硬薯粒，係用老火煲出黎既軟腍腍薯仔粒。其實依啲野以前真係冇咩值得講，只係依家淨返唔係多。茶走大杯更係我至愛，我唔解釋咩黎。明既人就明，一切盡在不言中。