Video
Read full review
2016-04-14
884 views
或者你估唔到，工廈餐廳The Stadium可以咁型！餐廳位於The Wave四樓，呢楝工廈本身已經非常潮，由大堂到電梯，都打造成貨櫃碼頭咁樣，乾淨、有空間感，而且色彩繽紛！仲未正式走入餐廳，先見到好多「玩具」：足球機、桌球枱，再走入D，仲有飛鏢玩！全部免費 (除非你想部飛鏢機計分，否則都係免費任玩唔嬲)，男仔黎到實會好開心！黎到咁好氣氛既餐廳，要叫番支啤酒先配合到。呢度既手工啤選擇好多，我揀呢款水果啤酒來自比利時，名叫「Red」($58)，斟出黎堅係紅色既，好靚；飲一啖，甜甜既水果味，好啱女仔飲。有啤酒，就要有炸物。The Stadium Combo ($128)非常豐富，有洋葱圈、魷魚圈、芝士條、水牛雞翼、粟米粒、雞塊，連汁料都有四款，芝士汁、沙律汁、辣汁，任君選擇。芝士條勁煙韌，D芝士可以響個口扯住出黎，香得黎無羶味；水牛雞翼好刺激，夠酸夠辣；粟米粒俾左好大驚喜我，甜甜地好好味；魷魚圈就係我最鍾意既，好有鮮味。美國極黑毛豬 ($128)，中間肉質夠嫰，最surprise係上面既汁料，用番茄、青瓜等新鮮蔬果切粒淋上面，味道酸甜，好清新；旁邊既炸菜葉亦好得意，感覺有少少似韓式紫菜，但
或者你估唔到，工廈餐廳The Stadium可以咁型！餐廳位於The Wave四樓，呢楝工廈本身已經非常潮，由大堂到電梯，都打造成貨櫃碼頭咁樣，乾淨、有空間感，而且色彩繽紛！
仲未正式走入餐廳，先見到好多「玩具」：足球機、桌球枱，再走入D，仲有飛鏢玩！全部免費 (除非你想部飛鏢機計分，否則都係免費任玩唔嬲)，男仔黎到實會好開心！
黎到咁好氣氛既餐廳，要叫番支啤酒先配合到。呢度既手工啤選擇好多，我揀呢款水果啤酒來自比利時，名叫「Red」($58)，斟出黎堅係紅色既，好靚；飲一啖，甜甜既水果味，好啱女仔飲。
有啤酒，就要有炸物。The Stadium Combo ($128)非常豐富，有洋葱圈、魷魚圈、芝士條、水牛雞翼、粟米粒、雞塊，連汁料都有四款，芝士汁、沙律汁、辣汁，任君選擇。芝士條勁煙韌，D芝士可以響個口扯住出黎，香得黎無羶味；水牛雞翼好刺激，夠酸夠辣；粟米粒俾左好大驚喜我，甜甜地好好味；魷魚圈就係我最鍾意既，好有鮮味。
美國極黑毛豬 ($128)，中間肉質夠嫰，最surprise係上面既汁料，用番茄、青瓜等新鮮蔬果切粒淋上面，味道酸甜，好清新；旁邊既炸菜葉亦好得意，感覺有少少似韓式紫菜，但無鹹味，脆卜卜，唔錯。
原隻燒春雞 ($118)，雞皮夠薄有鹹香，隻雞脾更係唔得了，非常嫰滑，而且廚師好細心咁將原隻春雞分開四份，女仔食起黎完全唔論盡，呢點我最buy！Post
