Video
Read full review
2017-01-04
68 views
打工仔終於等到放假，即刻約返三五知己出黎食返餐好！um…5個男人食乜好呢？緊係食返d任嗌既放題啦！如果唔係點夠食！行過旺角，見到一間新開張既放題做緊promotion，＄159一位試業價，牛肉火鍋放題，加多30就有埋刺身，見佢咁抵食，就試試佢！一坐底，當然就要先揀湯底啦。由於我地都算多人，可以揀2種唔同既湯底。選擇方面有成12種，包括最普通既昆布清湯，黑松露豆乳等等。Um…當然新店一定先揀壽喜燒（最大路，無咁易中伏嘛lol），另外我地見到「蕃茄龍蝦湯」，好似幾吸引咁，就揀埋試下。壽喜燒湯底正正常常，係一般shabu shabu既日式醬油口味。另一邊既蕃茄龍蝦湯一黎令我地相當驚訝，放心唔係驚死個驚，係無諗過咁足料，有哂龍蝦係湯入面咁堅！未煲滾經已聞到好濃郁既龍蝦香味！正！當火鍋準備中既同時，我地不忙order埋刺身食住先！赤蝦非常大條，成隻手板咁長，食緊啖啖肉，比起甜蝦更加清新甘甜，唔錯！三文魚亦都係切得厚，唔會薄到好似食得紙咁～品道都算中上，而其他都不過不失。估唔到一間食shabu shabu 放題為主既食店，刺身既質素都咁高。抵讚！到最頭戲，男人既最愛，牛肉！依到另一特色既係有幾種唔
打工仔終於等到放假，即刻約返三五知己出黎食返餐好！um…5個男人食乜好呢？緊係食返d任嗌既放題啦！如果唔係點夠食！行過旺角，見到一間新開張既放題做緊promotion，＄159一位試業價，牛肉火鍋放題，加多30就有埋刺身，見佢咁抵食，就試試佢！
一坐底，當然就要先揀湯底啦。由於我地都算多人，可以揀2種唔同既湯底。選擇方面有成12種，包括最普通既昆布清湯，黑松露豆乳等等。Um…當然新店一定先揀壽喜燒（最大路，無咁易中伏嘛lol），另外我地見到「蕃茄龍蝦湯」，好似幾吸引咁，就揀埋試下。壽喜燒湯底正正常常，係一般shabu shabu既日式醬油口味。另一邊既蕃茄龍蝦湯一黎令我地相當驚訝，放心唔係驚死個驚，係無諗過咁足料，有哂龍蝦係湯入面咁堅！未煲滾經已聞到好濃郁既龍蝦香味！正！
當火鍋準備中既同時，我地不忙order埋刺身食住先！赤蝦非常大條，成隻手板咁長，食緊啖啖肉，比起甜蝦更加清新甘甜，唔錯！三文魚亦都係切得厚，唔會薄到好似食得紙咁～品道都算中上，而其他都不過不失。估唔到一間食shabu shabu 放題為主既食店，刺身既質素都咁高。抵讚！
到最頭戲，男人既最愛，牛肉！依到另一特色既係有幾種唔同既牛肉比你揀。上碟不但數量唔小，仲排到咁鬼死靚仔。美國牛肉較薄，脂肪分佈平均，食落唔會太肥太瘦，牛肉味經過湯底後依然係到。而加拿大既牛肩胛，就重牛味。對於一d中意食牛既朋友仔，好似我lol，就非常滿意！
配料方面，除左有一如以往普通既菜呀丸呀外，依到仲加入左唔同既特色。好似有韓國午餐肉，同埋最令我出奇既係有長洲既大大粒魚彈！再加埋個龍蝦湯底，個魚彈吸收哂d精華，一口食落去，正呀！
飲品都同平常一樣。整體黎講，以shabushabu，放題黎講，依個價錢絕對抵食兼高質，我地一行5個男人亦都食得非常滿意。
Post
