Video
Read full review
2023-01-19
559 views
《東記上海麵 - 大埔》成日都聽到身邊既人話大埔好多好野食😂但作為大埔人既我，反而成日都走出去外區食野居多🤪不過大埔真係個人情味濃既地方，與其話好多好野食，不如話好多街坊及懷舊小店係我由細食到大啦😉要私心推介我經常食既美食真係出十個post 都講唔完😂其中要細數既一定有呢間東記上海麵😎由中學放lunch 跑過去新街市舊店霸位食，到而家大左都會間中去食番個炸雞翼油麵，風味依然🤓最主要食個情懷🤭前幾日同媽咪喺大埔墟買過年野，途經佢位於大埔墟既新店，門面裝修同舊店都好唔同，新店個格調比較年輕有動力，原來新店係老闆個仔打理，所以加入左個人元素喺裝修度😎不過食既野都係傳統果幾味，當日我同媽咪兩個人食，叫咗兩個麵同埋兩款小食💁🏻♀️炸雲吞 $32平時好少喺呢間餐廳度叫炸雲吞，不過呢個屋企人好鍾意食，炸雲吞好脆，入面嘅餡熱辣辣要小心啲食，一客有六粒都幾抵食💁🏻♀️酥炸墨魚條 $36墨魚條用咗墨魚滑製作，食落爽口彈牙，不過我就唔太鍾意入邊有雜豆😂但係媽咪話幾好食就算啦💁🏻♀️炸豬扒上海撈粗麵 $50炸豬扒麵係呢間餐廳嘅名物，好多人特登入大埔食佢㗎，而我就最鍾意佢嗰個豬扒骨，本身豬扒醃製過好入味，食到少
成日都聽到身邊既人話大埔好多好野食😂但作為大埔人既我，反而成日都走出去外區食野居多🤪不過大埔真係個人情味濃既地方，與其話好多好野食，不如話好多街坊及懷舊小店係我由細食到大啦😉要私心推介我經常食既美食真係出十個post 都講唔完😂其中要細數既一定有呢間東記上海麵😎由中學放lunch 跑過去新街市舊店霸位食，到而家大左都會間中去食番個炸雞翼油麵，風味依然🤓最主要食個情懷🤭
前幾日同媽咪喺大埔墟買過年野，途經佢位於大埔墟既新店，門面裝修同舊店都好唔同，新店個格調比較年輕有動力，原來新店係老闆個仔打理，所以加入左個人元素喺裝修度😎不過食既野都係傳統果幾味，當日我同媽咪兩個人食，叫咗兩個麵同埋兩款小食
💁🏻♀️炸雲吞 $32
平時好少喺呢間餐廳度叫炸雲吞，不過呢個屋企人好鍾意食，炸雲吞好脆，入面嘅餡熱辣辣要小心啲食，一客有六粒都幾抵食
💁🏻♀️酥炸墨魚條 $36
墨魚條用咗墨魚滑製作，食落爽口彈牙，不過我就唔太鍾意入邊有雜豆😂但係媽咪話幾好食就算啦
💁🏻♀️炸豬扒上海撈粗麵 $50
炸豬扒麵係呢間餐廳嘅名物，好多人特登入大埔食佢㗎，而我就最鍾意佢嗰個豬扒骨，本身豬扒醃製過好入味，食到少少南乳嘅味道，另外嗰炸粉唔會太厚身，有少少酥脆嘅感覺，而個撈麵我都係第一次食，果汁酸酸鹹鹹咁都幾開胃，同埋咁樣食就唔會覺得個炸豬扒太油膩👍🏻都幾match下
💁🏻♀️炸雞翼湯上海粗麵 $44
呢個每次我都會叫，超鍾意食佢嘅炸雞翼🥰叫粉麵餐雞翼都已經有五件，所以真係超抵食㗎😌雞翼食落好Juicy，d肉唔會嚡熠熠，我同媽咪share都好夠食雖然呢間餐廳食嘅嘢唔算好特別，但係勝在人情味濃而且水準維持到十幾年都真係幾厲害，如果入開嚟大埔嘅話真係要試吓佢嘅炸豬扒同炸雞翼啊😝
Post
