Tung Kee Noodles

上海粗面

呢間真係由細食到大，
以前細個去自修室，
Lunch成日都食呢間。
點講好⋯ 你話佢好好食就一定唔係，
但唔知點解就係會對佢念念不忘。

叫咗一份單點豬扒＋雞翼
份量贏晒，男朋友第一次食，
見到個份量都嚇親，一開始仲以為我水佢 🤣
應該有4塊左右咁多嘅豬扒
雞翼都有6隻，做完Gym食，夠晒蛋白質。

1

招牌炸豬扒

其實我平時唔係特別鍾意食豬扒，
但呢間嘅豬扒又覺得好好食
佢雖然唔係梅頭扒，但都夠淋，
鍾意佢有一圈肥肉。

招牌炸雞翼

雞翼都好大隻，佢個炸漿又係我鍾意嘅味道，
夠惹味，雖然食完要飲好多水🤣

加埋次次都叫嘅上海粗，
湯底係胡椒清湯。
有時聽到隔離枱啲新客會問係咪有烏冬，
我都會心諗，無錯，我都鍾意佢似烏冬。