榮記粉麵

Open Now

Now Closed

由細到大都鐘意食麵多過飯嘅我最常就係去榮記整返碗車仔麵，貪佢開靚正，店員話不多，唔會有好理想嘅服務，一句食咩，重覆食物，上菜，食完埋單，有時想靜靜地快食個晚餐，就係咁簡單。咁多年嚟都係咁嘅服務咁嘅味道，呢啲就係香港小店嘅味道三餸河粉呢度每碗粉都會跟少少菜，而我每次都走唔甩一定會叫牛根、豬紅、墨魚頭，睇心情會配吓河粉或者米線。湯底超濃，本身已經係腩汁湯底，食嗰陣再落少少辣油（記得少少好喇）味道再惹味多啲。女朋友掛住去睇咩鏡粉應援，一個人嘅晚餐就係咁簡單。