Jie Genge (Closed)

今日去旺角人氣文青餐廳，桔梗，呢間餐廳我好耐之前黎個，以前係主打台式，早幾個月路過見到轉左食日式料理，今晚同女朋友黎食飯，已經變咗西式餐廳，非常欣賞廚師既多變，有創意，咁樣先會保持到驚喜。
-
紅咖喱牛肉燉飯
老實講，一開始完全冇任何期望，只係想食下咖喱牛肉飯，牛肉飯一到，已經聞到好香咖喱味，賣相絕對可以，食落第一啖，WOW，非常有驚喜，上面放咗炸左既黎麥，紅咖喱味道甜甜地，飯粒煮得軟硬適中，非常入味，呢個配搭絕對有驚喜，好食。牛肉份量亦都算多，有牛肉味，有咬口。非常有創意嘅一道菜。
-
威士忌焦糖豬扒配蘋果與薯泥
賣相一流，豬扒好細心已經切好一塊塊，有輕輕嘅威士忌同埋明顯既焦糖味道，配上薯蓉，好高質素嘅一道菜。豬扒唔算好厚身，口感彈牙，肥瘦適中，上乘之作。
-
評分 : 8.5/10

2