Video
Read full review
2024-01-21
45 views
有段時間冇食潮州菜，心思思今晚book枱食iSquare呢間潮藝館，平時啲潮州菜擺晒魚凍打冷出嚟，呢度就係型格吧枱🤣🤣🤣前菜先叫咗個話梅涼瓜，酸酸甜甜好醒神，難得係涼瓜嘅苦澀味去得好乾淨，非常出色。普寧炸豆腐都係潮州菜嘅代表，豆腐好嫩滑但外皮好香脆，點埋個汁就更正碧綠尖椒雞個汁好好食，同埋雞肉仲嫩過豆腐，忍唔住一舊接住一舊喪食😂😂食到咁上下就上個湯，係菠菜蟹肉羹，好多菠菜，湯底香濃。最滿意係個薄殼炒飯，之前去其他潮州菜館食過炒薄殼勁難拆啲肉出嚟，呢個飯已經係得返啲薄殼肉，懶人最愛🤪🤪最後唔少得叫返個甜品，太飽食唔落反沙芋所以食個輕量版嘅燕麥一口薯，燕麥粉有木糠布甸啲木糠嘅感覺，紫薯微甜口感脆身，正～
前菜先叫咗個話梅涼瓜，酸酸甜甜好醒神，難得係涼瓜嘅苦澀味去得好乾淨，非常出色。
普寧炸豆腐都係潮州菜嘅代表，豆腐好嫩滑但外皮好香脆，點埋個汁就更正
碧綠尖椒雞個汁好好食，同埋雞肉仲嫩過豆腐，忍唔住一舊接住一舊喪食😂😂
食到咁上下就上個湯，係菠菜蟹肉羹，好多菠菜，湯底香濃。
最滿意係個薄殼炒飯，之前去其他潮州菜館食過炒薄殼勁難拆啲肉出嚟，呢個飯已經係得返啲薄殼肉，懶人最愛🤪🤪
最後唔少得叫返個甜品，太飽食唔落反沙芋所以食個輕量版嘅燕麥一口薯，燕麥粉有木糠布甸啲木糠嘅感覺，紫薯微甜口感脆身，正～
Post
