臺北棧 (港威商場)

Open Now

Now Closed

由中環食到尖沙咀，海港城分店對我黎講方便好多😊。芋泥牛乳大王芋頭蓉配上香濃既牛奶，甜度適中，芋頭控絕對不能錯過！招牌肉燥飯一D都唔細碗！肉燥肥瘦恰到好處，仲配左溏心蛋，送飯一流！咖哩吉列蝦蛋餅芝士超拉絲，惹味又飽肚！招牌牛肉麵碗邊配上自製既辣牛油，令成個湯底即刻昇華！牛肉燉到好腍，粉絲沾哂湯既精華，邪惡又美味！伯爵茶芋圓配愛玉配搭新鮮，伯爵茶既茶味夠香濃，芋圓同珍珠好QQ，口感好豐富，加埋清新既檸檬愛玉，回味無窮！約左朋友6點黎到好多位，食到7點已經滿哂座，熱鬧到好似夜市咁，成餐飯聽住回憶滿滿既歌，好想快D飛返轉台灣呀！