Video
Read full review
2023-03-21
87 views
Lunchtime去食呢間嘢，門口個阿叔安排得好差，為咗賺多啲錢，死都唔叫兩人枱（A飛），不斷叫3-4人枱（B飛）同6-8人枱（C飛），眼見好多B飛同C飛嘅人遲嚟先上岸，問吓個阿叔，佢真係答「我地一定會叫左B飛C飛多人枱先㗎」。其實都幾死板同死蠢，一張四人枱拆做兩張兩人枱，都係賺四個人既錢啦！BC飛實賺多啲錢？？如果要徵收智商稅，呢間嘢啲人真係前景堪輿🤣另外，呢間嘢個裝潢都會氹到唔少人去試吓，但係佢請嘅人全部都好無禮貌，除咗門口個懶醒兼無常識嘅阿叔之外，裡面嘅落單阿姐同後生仔都無乜禮貌。例如：珍珠奶茶佢地唔記得落珍珠，同番佢講，佢地冇講唔好意思就一手搶走杯嘢拎番入去加珍珠。收碗碟嗰陣懶係快手咁勁大力fing啲嘢，好彩啲汁冇彈到我。佢哋衛生意識都好差，會直接將啲飲管放喺枱面。如大家所料，畀錢嗰陣，個門口阿叔直接輸入銀碼去八達通機，啞僕上身粒聲都冇出，你就自己搵個啱嘅時機配合拍卡，thank you bye bye嗰啲，睇咗呢個經歷嘅上半部都會估到，佢當然唔識講啦🤣咁又係，獻醜不如藏拙，無常識嘅人唔講嘢就可以錯少啲👍🏼最後，食物方面，蜜汁排骨滷肉飯，排骨唔算un嘅，都ok，滷肉好少。烏龍茶
其實都幾死板同死蠢，一張四人枱拆做兩張兩人枱，都係賺四個人既錢啦！BC飛實賺多啲錢？？如果要徵收智商稅，呢間嘢啲人真係前景堪輿🤣
另外，呢間嘢個裝潢都會氹到唔少人去試吓，但係佢請嘅人全部都好無禮貌，除咗門口個懶醒兼無常識嘅阿叔之外，裡面嘅落單阿姐同後生仔都無乜禮貌。
例如：珍珠奶茶佢地唔記得落珍珠，同番佢講，佢地冇講唔好意思就一手搶走杯嘢拎番入去加珍珠。收碗碟嗰陣懶係快手咁勁大力fing啲嘢，好彩啲汁冇彈到我。佢哋衛生意識都好差，會直接將啲飲管放喺枱面。
如大家所料，畀錢嗰陣，個門口阿叔直接輸入銀碼去八達通機，啞僕上身粒聲都冇出，你就自己搵個啱嘅時機配合拍卡，thank you bye bye嗰啲，睇咗呢個經歷嘅上半部都會估到，佢當然唔識講啦🤣咁又係，獻醜不如藏拙，無常識嘅人唔講嘢就可以錯少啲👍🏼
最後，食物方面，蜜汁排骨滷肉飯，排骨唔算un嘅，都ok，滷肉好少。烏龍茶冇味。
麻辣鹽酥雞拌麵，十級麻辣，但屬於死辣嗰隻，啲雞得好少。黑糖珍珠奶茶一般。
Post