伴糖水 (Closed)

喺香港嘅大街小巷入面都會見到好多糖水舖，但而家好多糖水都偏向西式，我就比較鍾意港式傳統糖水，最啱同朋友晚上聚餐之後再去糖水舖甜一甜，今晚我就遇上伴糖水🥰😚因暫時只有外賣，我就買返屋企與家人共享😋自家製生磨合桃糊$48生磨合桃糊梗係要試吓啦😍一打開個蓋就聞到好香濃嘅合桃味道，口感超級細滑，入口綿綿，合桃味好香，唔會好甜👍🏻番薯糖水 $28番薯糖水趁熱飲真係好正，薑味超重，啱晒我鍾意薑味嘅辛辣，再食返舊甜美嘅番薯非常夾，番薯質感軟綿鬆化，老闆娘話佢親手揀👍🏻椰汁喳咋 $38喳咋配埋椰汁令到咋喳有香濃嘅椰香味，各款雜豆好味，又夠林，又有咬口，唔會太甜😃糖水包裝好實淨，亦都非常保溫，由尖沙咀返到將軍澳都一樣熱辣辣👍🏻等緊外賣果陣同老闆娘傾左陣，得知佢親力親為用心製作，完全感受到佢對糖水嘅熱誠🔥幾款糖水都好足料、好味道、有水準。