就係試下比一般唔同既湯底
今日黎到呢間養心殿
點左個美人鍋
其實係烏雞 加上唔同既藥材既湯底
湯滾左 店員話可以飲下湯先
烏雞加埋和種藥材
飲落都幾甜
打邊爐當然要點肥牛
要左極上雪花肥牛
牛肉既顏色唔錯
而且都幾大片
可能平時食慣更濃既湯底
牛肉味反而食落冇咁重
自由配搭既醬汁裡面
拎左點醋番黎
幫味道加番少少分
響鈴大大份
炸得又夠脆
一個字 好正
另外試左鮮蝦雲吞
麻辣牛肉餃
同埋鵝肝墨魚丸每樣半份
鮮蝦雲吞還好 蝦更鮮會更好食
牛肉餃既口感就麻麻地 可能牛肉太碎既關係
反而鵝肝墨魚丸就唔錯 夠哂彈牙
