熊小館

Open Now

Now Closed

星期日陪阿女去九龍灣學溜冰。為方便見到阿女溜冰情況。專情上了樓上搵間餐廳好位..邊食邊睇！見到以熊為主題的餐廳好別緻。睇餐牌價錢不太貴。一個人點了一杯飲品/午餐set!餐廳上仲有熊公仔給客人影相。餐廳亦有一個空間放了好多熊公仔吸引小朋友。蒜蓉牛扒意粉-個意粉真係要讚。好多餐廳煮過火。令到意粉太軟。它的意粉完全水準之上。爽口滑暢加上適量蒜蓉汁。美味可口牛扒的肉質美味。不太乾身。牛筋部分亦可入口。最特別係杯清新飲品。清甜入口。飲完真令人暑氣全消。不會太甜。羅宋湯/蒜蓉包-蒜蓉包去到我面前。是好熱同蒜蓉味撲鼻。個湯亦熱騰騰上來。味道很適合我。下太酸。亦包含濃厚牛肉味道。木糠布甸-更是值得一食的甜點。味道入口可口。不太甜漏。最重要係份量適中。剛剛好中和主菜。