Video
Read full review
2015-03-26
489 views
呢日同女朋友同幾個人一齊去打邊爐，見到個煲與別不同，問下老闆，原來係用蒸氣打邊爐，我就真係未試過了。間鋪頭唔難搵的，不過就係巷仔度，大概就係馬頭圍道附近。好啦等齊人就開始 ，伙計佢話打呢個邊爐係有步驟的，要step-by-step咁做...首先，伙記幫我地手落左D米落個煲度，然後開爐，呢個之後會變成一個軟綿綿既粥底，之後再擺蒸架，上面再鋪塊荷葉，等一陣就可以擺野食上蒸架度蒸熟。咁我地分別就落左沙白，扇貝，蟶子等等既貝殼類海產入去個蒸架度。等左一陣間，2-5分鐘左右啦，食得啦~！伙計話，每樣食物都係有唔同時間煮既，伙計都會講俾我地知個烹調時間。而蒸出黎既海鮮，全部都保留鮮味，好新鮮！而我最鍾意食既，就係雞，佢之前既調味做得好入味，好好食！之前講過軟綿綿既粥底，就係最尾環節呈獻出來，其實個粥就係精華所在，因為之前所蒸過既野食，食物既倒汗水都會落返個煲底，基本上之前食既野越多，個粥底味道會越濃郁！而呢個粥底我覺個好綿，好滑~！伙計又預備好配料，可以根據各人喜好，加入粥裡面。最後送上美圖....今晚呢餐冇野挑剔！真係正呀！
間鋪頭唔難搵的，不過就係巷仔度，大概就係馬頭圍道附近。
好啦等齊人就開始 ，伙計佢話打呢個邊爐係有步驟的，要step-by-step咁做...
首先，伙記幫我地手落左D米落個煲度，然後開爐，呢個之後會變成一個軟綿綿既粥底，之後再擺蒸架，上面再鋪塊荷葉，等一陣就可以擺野食上蒸架度蒸熟。
咁我地分別就落左沙白，扇貝，蟶子等等既貝殼類海產入去個蒸架度。
等左一陣間，2-5分鐘左右啦，食得啦~！伙計話，每樣食物都係有唔同時間煮既，伙計都會講俾我地知個烹調時間。而蒸出黎既海鮮，全部都保留鮮味，好新鮮！
而我最鍾意食既，就係雞，佢之前既調味做得好入味，好好食！之前講過軟綿綿既粥底，就係最尾環節呈獻出來，其實個粥就係精華所在，因為之前所蒸過既野食，食物既倒汗水都會落返個煲底，基本上之前食既野越多，個粥底味道會越濃郁！而呢個粥底我覺個好綿，好滑~！
伙計又預備好配料，可以根據各人喜好，加入粥裡面。最後送上美圖....
今晚呢餐冇野挑剔！真係正呀！
Other Info. :
一般來講，價錢同出面一煲煲既打邊爐可能貴少少，而今次平均都係二百多元，不過都食左好多野，係抵食既！另外，用蒸氣做火鍋都好特別的，問返伙計，原來佢地係第一間火鍋店用蒸氣做火鍋的！
(The above review is the personal opinion of a user which does not represent OpenRice's point of view.)
Post
