熨烤達人 (Closed)

成日都聽到呢間嘢，今日終於都同左個fd去食。我地叫左肉類拼盤($480)，無骨雞翼($48)，白桃乳酸($43)，車站見面($58)。 車站見面，即係芝士辣汁撈面，上面有腸仔，辣汁唔係好辣，我地兩個唔食得辣既人都食到，個面撈得好勻，啖啖都食到芝士，面唔會搞到好乾，啲汁啱啱好。 肉類拼盤有上述既款，佢既肉類醃得好夠味，雞翼去左骨之後啖啖肉，啱哂我呢類懶精，咁多款肉入面，我最中意食烤五花腩，用熨斗燒唔係噱頭咁簡單，係真係有用先咁做，因為令一片片既肉類平放咁燒，令到個肉熟得好勻衡，唔會卷埋，仲有店員好Nice幫你燒，唔會Overcook，任添既生菜塊俾我地包住燒肉食，成件事油膩感大減，五花腩都要用菜包住食會更加夾！ 食烤肉飲白桃乳酸勁解渴！酸酸甜甜又夠清涼，好大杯，兩份飲剛剛好。 同埋有個抽油煙機咁既嘢，食完個身都唔會成陣油煙味，可惜圓椅就坐得唔太舒服。