焱手工涮涮鍋 (Closed)

今晚去左食好野，去左呢間吾錯嘅火鍋店，叫燊。叫左個燊選套餐，包左好多野食架，價錢又吾貴。先嚟前菜，柚子沙律同鮑撈起手撕雞，以為前菜會冇乜特別，點知都有驚喜，手撕雞都好滑丫，正，沙律都不過不失。湯底選了佢招牌， 火焰清酒煮蜆螺， 人蔘藥膳鍋，青花麻辣鍋，好正，個湯少少辣又得，健康補身又得，真係好足材料架，勁多人蔘，讚。仲時令海鮮拼盆，有五款，每次可能不同，因為睇佢有乜時令，例如生蠔 ，聖子，海蝦，龍躉片，白膳片，鮑魚，帶子，墨魚片等等。全部都好新鮮，正丫。到肉類，都係正，一點也不馬虎， 頂級安格斯牛頸背， 松板黑豚肉配小黃瓜， 手切prime肥牛，手切封門柳。仲有手工火鍋拼盆，有黑松露豚肉餃子， 太極鮮冬菇， 手打安格斯火辣牛丸等等，食到好飽。仲有菜，響玲，飲品等等。二百幾蚊，咁靚嘅食材，認真不錯，讚。