LAB10 (Closed)

有時覺得食燒肉要揀食啲乜嘢好煩，食任食就唔需要有呢個煩惱，想叫乜就叫乜，又唔使理價錢。朗豪坊開咗間新嘅無煙燒肉任食，仲要價錢都幾抵， $250一個人，仲要而家喺社交平台share佢，就送一個海鮮拼盤，真係抵到爛。海鮮拼盤有蝦，蠔，魷魚，鮑魚，大蜆，真係好抵好抵，竟然有鮑魚真係意想不到，鮑魚燒完仲要無縮幾多。韓式梨汁牛五花開頭見到有d驚佢會好肥，但其實會燒走晒d肥膏，比平日食到既韓式醃肉多左一份果甜味，清新d無咁人工。牛牛板雖然叫牛牛板但入面有雞肉，豬仔骨同豬頸肉😂，除此以外仲有牛脷，牛板鍵，牛後腹同一口牛，當中牛後腹真係好好食，夠肉香，質地又夠軟，有入口要溶既感覺，牛板鍵就彈牙d。芝士薯條係有一兜薯條放落去燒溶佢，有時會熱到過左位，太流質，要睇好個稠度。隨餐附送既沙律，用個樽仔裝好似真係會新鮮d(錯覺)，但可以蓋唔比d燒肉味沾染左d沙律，感覺幾乾淨。呢度d梳打以任食黎講好出色，首先有梳打呢個選擇唔洗下下揀肥到死既汽水已經好好，最重要，佢既青檸同西柚梳打係真係用新鮮既唔係syrup，呢個加好多分。